حسن يوسف : ربنا يسامح إسعاد يونس وعمرو أديب على اللى عملوه مع محمد صلاح

قال الفنان حسن يوسف: “بحب أتابع ماتشات الكورة ومحمد صلاح، وبنتي عايشة هناك في إنجلترا، وبتقولنا أنه عامل قلق هناك في الفترة الأخيرة”.

وتابع خلال لقائه ببرنامج “كلام الناس” المذاع على قناة “MBC مصر”: “الحظ تخلى عن صلاح وهو شاطر، وضربة الجزاء اللي ضيعها أمام السنغال متضيعش أبدًا، وخد عين جامدة من عمرو أديب وإسعاد يونس لما طلع معاهم، والله يسامحك يا عمرو أديب وإسعاد يونس أكتر كمان”.

وأضاف: “ناريمان بنتي واخدة ثانوية ألمانية، وبعدين جامعة أمريكية، وبتعمل ماجستير في إنجلترا وتخش على الدكتوراه وعندها طموح، وحققت نجاحًا كبيرًا، وعملت 2 ماجستير وبدأت الدكتوراه”.

وأردف: “عمر ابني كان شغال في السياحة وبعدين أخد سكة الفن جنب الوظيفة ومظلوم معايا لأنه مبيترشحش في أعمال كبيرة، وأصدقائه مبيعطهوش فرصة توازي موهبته، أما ابني الصغير عبد الله فخريج إعلام من بيروت”.

واختتم: “شمس البارودي البركة اللي عايشين بيها، أنا بطبطب وأدلع وهي بتمشي قوانين مع الولاد، أنا برج الحمل الطيب الوديع، أما هي فبرج الميزان”.