الفنانة أنوشكا ضيفة برنامج “سهرة نغم” مع الإعلامي محمد بكر على إذاعة نغم إف إم

• أي دور بعمله بيكون فيه ملامح من أنوشكا.

شخصية إجلال مثلًا في مسلسل “وتقابل حبيب” منضبطة جدًا وصارمة، وأنا كمان صارمة بس في الحق.

شخصية إجلال ماشية بعقلها وما بتسيبش مساحة للعاطفة، إنما أنوشكا فيها حنية وعواطف.

شخصية إجلال في “وتقابل حبيب” كبرت في بيئة عشان توصل فيها لازم تفرم وتدوس، وده اللي شكّل طريقتها وأسلوبها.

• كل إنسان فينا بيتصرف حسب تربيته، والأساس في تكوين أي شخصية هو الحب.

• كنت سعيدة جدًا بمشاركتي مع الفنان علي الحجار في مشروع “١٠٠ سنة غنا”، وكانت ليلة خاصة بتكريم الملحن الراحل أحمد الحجار.

• من أكتر اللحظات اللي أثرت فيا إن “أحمد الحجار” الصغير كان بيعزف معايا على البيانو.

• غنيت أغنية “كنت بحلم أفك ضفايري”، كلمات بهاء الدين محمد.

• أحمد الحجار الله يرحمه كان أطيب قلب، وكأنه ملاك ماشي على الأرض.

• رجاء الجداوي كانت بالنسبة لي عنوان للرقي والفكر.

• بحب أقعد أسمع صوت الموج، وأبص للسما، وأقول الحمد لله.

بحس إننا محتاجين نحمد ربنا على كل حاجة، على صحتنا، وعلى إننا عايشين اللحظة.

• بحاول أعلّم نفسي أعيش اللحظة، وأقلل من التفكير في اللي فات أو الندم عليه.

• والدي الله يرحمه واحشني جدًا، كان دايمًا يقولي: خدي بالك ما تجرحيش حد وانتي قاصدة، إلا لو كنتي بتاخدي حقك.

وكمان وانتي بتاخدي حقك، خديه من غير ما تجرحي حد.

يذاع البرنامج يوم الاحد من كل اسبوع تقديم محمد بكر وإعداد شادين عصام.