احتفلت التؤام نسب ونيرفانا الجردي بعيد ميلادهم الـ 30 بطريقتهم الخاصة وفعالية فاجأت جميع الحضور ، واختاروا اللون الأسود للاحتفال في جلسة تصوير فيديوهات مرحة ومعبرة عن دفن سنين العشرين ، كما نشروا مجموعة من الصور والفيديوهات العفوية مع صديقاتهم التي استعرضوا من خلالها أناقتهم وجمالهم
وهذا لقاء صحفي حصري معهم :
لماذا قمتم بحفل عيد ميلاد باللون اسود حتى الثيمات والزينة والكيك
_ اخترنا يكون عيد ميلادنا باللبس الأسود لأنو كنا عم نودّع العشرينات! حبيت الفكرة تكون مثل ‘RIP 20s’، يعني ندفن هالمرحلة ونفتح صفحة جديدة بعمر الـ30 بكل أناقة وقوّة. والأسود دايمًا لونه قوي، أنيق، وفيه هيبة… فكان الخيار المثالي لبداية مرحلة جديدة بحياتنا.
شو الإنجازات اللي حققتوها قبل 30
واللي حابين تسوونها بعد 30 ؟
_ قبل عمر الـ30، قدرنا نحقق كتير من الأحلام اللي كنا نشتغل عليها من قلبنا: بنينا اسمنا كـ توأم مؤثر ومحبوب على السوشيل ميديا، شاركنا بحملات إعلانية كبيرة، مثّلنا بمجال التلفزيون والإعلانات، وتواصلنا مع جمهور واسع من كل أنحاء الوطن العربي.
أما بعد الـ30، فهيدا فصل جديد بدنا نعيشه بنضج أكتر وطموحات أكبر! هدفنا نطوّر حالنا أكتر بمجال التمثيل، نخلق محتوى أعمق وأقوى، ونشتغل على مشاريع خاصة تحمل اسمنا، سواء كانت براند، برنامج، أو حتى فيلم! حاسين إنو الثلاثينات هي بدايتنا الحقيقية، لأنو اليوم صرنا نعرف شو بدنا وكيف نوصل له.
مين الداعم لكم ؟
_ أول وأهم داعم إلنا هو رب العالمين، هو اللي عطانا القوة، الإلهام، وفتح الطرق بوجّنا. ومن بعده، أهلنا اللي آمنوا فينا وشجّعونا نكمل الطريق سوا. وطبعاً جمهورنا الحبيب، اللي بيكبر معنا يوم ورا يوم، وبيضل يدعمنا بتفاعل، وبحب حقيقي. وبهالرحلة، نحنا كمان كنا سند لبعض كتوأم… ما منوقع إلا ونرجع نوقف سوى
ماذا تقولون للبنات اللواتي يحبون الشهرة وان يصبحوا مثلكم ؟
_ نقول لكل بنت بتحلم بالشهرة: آمني بحالك، واشتغلي على حالك كل يوم، مو بس لتصيري مشهورة، بل لتكوني نسخة أقوى وأصدق من نفسك. الشهرة حلوة، بس فيها تعب ومسؤولية… أهم شي إنك تظلي حقيقية، وتشتغلي بشغف، مش بس لحتى الناس تحبك، بل لحتى إنتِ تكوني فخورة بنفسك. كل حدا عنده بصمته، فلا تقلّدي حدا، خلّي نورك يبين على طريقتك.
كلمة شكر لأحد لمن تقولونها ولماذا ؟
_ نيرفانا ونسب : نقول شكراً لأهلنا ، لأنهم الأساس بكل نجاح وصلنا له ، وشكراً لكل شخص أحبنا وآمن فينا ودعمنا بكلمة أو موقف وشكراً لله على كل نعمة
أشياء ندمتوا عليها وتعلمتوا منها درس ؟
_ نسب تقول : ما بحس إني ندمت، بس أكيد مرقت بتجارب كانت دروس مهمة. تعلّمت منها كيف كون أقوى، كيف اختار الناس الصح حوالَي، وكيف آمن بحالي أكتر
اكتشاف المزيد من الاتحاد الدولى للصحافة العربية
اشترك للحصول على أحدث التدوينات المرسلة إلى بريدك الإلكتروني.
